O 2 de abril, declarado pola
Asamblea das Nacións Unidas como Día Mundial da Concienciación do Autismo, intenta
mentalizar a necesidade de mellorar a calidade de vida dos nenos, nenas e adultos
con Autismo para que poidan ter unha vida plena e digna.
Hoxe en día, 1 de cada 150
nenos están dentro do Espectro do Autismo, é a discapacidade infantil de maior
prevalencia (máis que Síndrome de Down, cancro infantil e diabetes xuntos). O
Autismo é un trastorno que afecta á comunicación e a interacción social. A día
de hoxe o Autismo non ten cura e non se coñece con exactitude a súa orixe, pero
existen intervencións psico-educativas que permiten unha gran evolución
naquelas persoas que teñen o acceso ás mesmas.
Estas curtametraxes realizadas polo debuxante Miguel Gallardo, pai dunha nena con autismo, poden axudarnos a comprender un pouquiño máis este trastorno e as dificultades das persoas que o padecen.
Ningún comentario:
Publicar un comentario