Boas novas na Carballeira!!!

Hoxe, día 20 de novembro conmemoramos o Día Internacional dos Dereitos da Infancia.

Este ano, os rapaces do 1º e 2º curso de primaria, participaron no concurso “Melodía da Igualdade” promocionado pola Fundación Meniños.

Despois de ler moitos libros relacionados cos dereitos dos nenos, así coma facer unha pequena investigación apoiándose nas novas tecnoloxías, plasmaron todo o que aprenderon arredor deste tema nuns debuxos preciosos.

 A gañadora deste certame foi Lúa Couchot Moledo, alumna do noso cole de 1º,  que recibiu onte pola tarde o premio no Teatro Principal de Pontevedra.

Os participantes á entrega de premios, puideron disfrutar do contacontos “Antía, Wamba e o regato pequeno”  da compañía A tropa de trapo, en colaboración co Fondo Galego de Cooperación e Solidariedade. Unha historia fermosa sobre Antía, unha nena galega, e Wamba un mozo do Congo que se busca a vida vendendo de todo na rúa. Os contos de Wamba e as merendas de Antía fundiranse nunha amizade que lle ensinará a Antía que compartir non é dar o que che sobra e que, como din na tribo de Wamba, o río énchese con regatos pequenos…

Ánimate a coñecela!

Por outra banda, a Facultade de Ciencias da Educación e Deporte de Pontevedra inaugurará hoxe o seu proxecto “la infancia al cubo”. Un proxecto colaborativo levado a cabo na universidade, que consiste na elaboración dunha estructura de gran tamaño en forma de cubo e que se decorará cos debuxos sobre a infancia realizados por escolares da provincia de Pontevedra.

Os seleccionados para esta ocasión son:

Noa Mendaña Vea. 1º primaria.

María Vilas Fernández. 1º primaria

Sergio Veiga Domínguez. 2º primaria

Gabriel Quintela Piñeiro. 2º primaria

Ariadna Ferreira Lamoso. 2º primaria

Con este proxecto, a universidade pretende ser a primeira facultade de Galicia asociada a Rede de Escolas da UNESCO.

Dende aquí queremos invitar a toda a comunidade educativa da Carballeira de Lourizán a visitar a exposición dos debuxos.

Parabéns ós gañadores!!