Este ano celebramos no colexio CEIP A
Carballeira de Lourizán o día de Samaín dunha maneira diferente e divertida.
As
tres primeiras horas foron como un día normal, pero cando tocou o timbre do
recreo as cousas cambiaron. Os nenos e nenas de sexto de primaria saíran fora
na segunda hora para colocar quince círculos de cartolina negra con pantasmas
brancas debuxadas polo patio dos pequenos e dos maiores.
Era como una búsqueda
do tesouro escondido e foi divertidísimo. Logo, na cuarta e algo da quinta
hora, foi o momento dos obradoiros.
Había tres obradoiros. Un deles era para
debuxar, e estaba na aula de quinto de primaria.
O outro obradoiro era de
maquillaxe, que trataba de que ti lles dicías de que te querías pintar e os
nenos e nenas de sexto de primaria ou as mestras maquillábante. Este obradoiro
estaba na aula de sexto de primaria.
E o último obradoiro era de contacontos.
Catro alumnos de sexto e catro alumnos de quinto de primaria contábanlle contos
aos demais nenos e nenas dos outros cursos. Isto fíxose na biblioteca.
No que
quedaba da quinta hora escoitamos cales eran os gañadores do concurso de
cabazas, que foron Rubén e Yago.
Os obradoiros foron moi divertidos e
entretidos. As cabazas eran moi bonitas e a búsqueda das pantasmas
divertidísima. Foi un día xenial e estou moi contenta.
Lara Rodríguez. Alumna de 5º Primaria.
Podedes ver todas as fotos aquí.
Ningún comentario:
Publicar un comentario