O xoves, 9 de marzo, os alumnos do 3º ciclo do CEIP "A
Carballeira"-Lourizán fixemos unha saída extraordinaria ao monte veciñal e
mancomún.
Pincha para ver as diapositivas |
Foi un proxecto en colaboración coa Escola de Capataces de Lourizán
e a Comunidade de Montes veciñais de Lourizán, que se brindaron a levar a cabo
unha plantación de árbores autóctonas da zona, carballos, castiñeiros,
sobreiras, sabugueiros, salgueiros, cerdeiras, teixos...
Previamente, o día anterior, o Xefe de Estudos de Escola de
Capataces e o Presidente da Xunta de Montes impartíronnos unha charla
orientativa sobre os beneficios directos e indirectos que produce o monte, e o necesario e importante que é que
teñamos unha conciencia de coidado e respecto polo nosos montes, como fonte de
vida e alimentación.
O presidente da Xunta de Montes (Lucas) acompañounos dende o colexio, ata o monte vecinal, facendo de guía por todo o
percorrido; un
recoñecemento dos distintos lugares
polos que pasamos, descubrindo fontes,
regatos, lavadoiros, pozas de regadío…
Xa no Monte estábannos agardando membros da Escola de Capataces de
Lourizán para axudarnos a facer a plantación. Cada un foi plantando a súa
árbore e colocoulle un cartel cravado no chan co nome da mesma e o nome do
alumno e a data.
O monte arrecendía... Quedáronnos moitas gañas de voltar a percorrer os lugares da
parroquia e o noso monte.
Grazas a todos aqueles que fixéstedes posible a realización desta actividade!!
Alumnado de 5º e 6º de Primaria
Ningún comentario:
Publicar un comentario