19/06/17

Educación Viaria

O venres 16 de xuño, os rapaces e rapazas de 5º de Primaria participamos na última sesión da campaña de formación  "Educación Vial" organizada polo Concello de Pontevedra. 


O obxectivo que prentende acadar esta actividade é formarnos en materia de seguridade viaria, previr os accidentes de tráfico, dar a coñecer situacións de risco, concienciarnos da necesidade de utilizar elementos de seguridade e das consecuencias dos actos irresponsables.
Desprazámonos ao Parque Infantil de Tráfico en Mollabao. Alí, dous axentes da Policía Local déronnos un chaleco reflector e explicáronnos as normas de circulación e o significado das sinais de tráfico que se atopaban no circuíto. Logo, organizaron quendas para realizar prácticas de peón, conductor de bicicleta e karts.

Ao remate, agasalláronnos co chaleco e cunha luz con diferentes posicións para levar na bici, no patinete, no brazo... que serve para que nos vexan cando está pouco iluminado!!!
Pincha na imaxe se queres ver todas as fotos
Foi moi divertido, encantáronnos os karts!!!
Javier Vilas e Antonio Blanco 5º

Ningún comentario:

Publicar un comentario