Día da Paz 2019

O 30 de xaneiro conmemórase o "Día da Paz" e, dende o noso colexio, sumámonos á celebración.

Comezamos engalanando o corredor principal cun colorido mural elaborado con mans de cores e mensaxes de paz no que participamos todo o alumnado.

Os compañeiros e compañeiras de 2º de Primaria, sorprendéronnos cunha fermosa obra de teatro baseada na canción "O lobiño bo" de Paco Ibáñez:

Nas aulas recitamos poemas pola Paz...

Visualizamos o audioconto "Wangari e as árbores da paz"...

Gozamos da lectura do Kamishibai "Chámome Paz". Antes, traballámolo nas aulas creando os diferentes cursos de Infantil e Primaria as láminas coas que narralo.

Cantamos todos xuntos unha emotiva cancion, cuxa letra foi producida polo alumnado de 5º de Primaria, e ensaida ao longo desta últimas semanas coa mestra de Música.

E finalizamos o Día da Paz co recoñecemento público ao labor que realizan acotío os nosos colaboradores e colaboradoras de biblioteca. Rapaces e rapazas que voluntariamente axudan na Biblioteca do Checho no funcionamento e organización durante os recreos. 

Unha morea de actividade que fomentan: inclusión, traballo colaborativo, amizade, solidaridade, convivencia, tolerancia, respecto ...; e que nos lembran que a o día da Paz debemos conmemoralo todos os días do ano.
Se queres ver todas as fotos do "Día da Paz" preme AQUÍ.