Conmemorar o día da Paz e a
Non Violencia significa espertar os valores e os coñecementos que nos
permitan adquirir as actitudes, as habilidades e os comportamentos
necesarios para acadar a PAZ, é dicir, para vivir en armonía cun mesmo,
cos demais e co medio ambiente.
A través do libro "Sadako e as mil grullas de papel" , que esta semana traballamos, descubrimos o VALOR, a ESPERANZA, o ESFORZO, a PROTECCIÓN, a AMIZADE, o CARIÑO, pero tamén a GUERRA, a ENFERMIDADE e a MORTE.
Bandadas de grullas revolotean pola nosa biblioteca. Encántame ver como vos implicastes e estou impaciente por enviar ese fermoso agasallo a Xapón.
Siiii! Que todos o saiban! Os nenos e nenas do cole non paran de facer grullas para enviar ao Parque da Paz de Hiroshima, onde se atopa o monumento en honor a Sadako e no que se pode ler: "Este é o noso choro, esta é a nosa pregaria, paz no mundo".
Noraboa a todos e todas pola vosa aportación.
Checho
Ningún comentario:
Publicar un comentario