Os investigadores de 1º acaban de
deixarnos abraiados coas súas pesquisas.
Foron quen de recoñecer, na súa
saída polos arredores do cole, moitas das especies vexetais que aquí se atopan. Falan de pampullos, cardos,
avea, fiunchos, fentos, silvas, xestas,
toxos, carballos, eucaliptos, castiñeiros…como verdadeiros expertos.
Todo comenzou cando a súa profe
lles propuxo investigar sobre “As Plantas”, especialmente sobre as silvestres
que podemos ver en calquer carreiro, monte, muro ou valo do noso ámbito.
Puxéronse ao traballo buscando
información nos libros e na internet e
así descubriron como se alimentan, como respiran, que precisan para vivir…e
tamén que hai árbores de folla perenne e caduca. Pouco a pouco foron montando
un herbolario na aula e comprobando as súas investigacións.
Na saída, ían por parellas
identificando aquelas plantas que lles tocaran no seu cartel, e podíase
escoitar: - Miña nai, non sabía que había tantas!!, ou – A quen lle tocou un
“dente de león”?. Foi super divertido e interesante. Ademais tiveron a sorte de
atopar un vagalume debaixo dun carballo, que despois de tocalo, deixaron seguir
coa súa vida.
Quizais o vagalume lles quería
dicir: Estamos en primavera!!!
Ningún comentario:
Publicar un comentario