Dia da Poesía

O 21 de marzo celebramos o "Día da Poesía" e, dende a Biblioteca do Checho, organizamos o obradoiro "Recitación de poesía" durante o período de lecer no que o alumnado puido divertirse coa musicalidade das palabras.

Previamente, realizamos unha ampla selección de libros de diferentes xéneros (poesía, narrativa e teatro) escritos en verso. 

Amais deste taller, nas aulas organizáronse actividades creativas ao redor da poesía (declamáronse versos, traballouse a estrofa, rima...). 

Así, na aula de 2º de Primaria, aproveitando o tema dos animais que están estudando, elixiron o cancioneiro infantil "Eu ben vin,  virivín" de Manuel Rico Verea que recitaron en voz alta, con entoación e sentimento.

Esta exposición e recompilación de libros en verso, estará a vosa disposión ao longo das vindeiras semanas. Xa sabedes...

Se da poesía queredes gozar, 

na Biblioteca do Checho podémoscha achegar!!!