Festa dos Maios

Para celebrar a Festa dos Maios recibimos unha fabulosa cantiga da familia Quesada Rodríguez como contribución aos MAIOS deste 2020 pandémico.

As Festas dos Maios, antigamente, en Galicia celebraban a chegada da primavera e o remate do inverno e propiciaban deste xeito a obtención de boas colleitas.

Hoxe en día, son a  manifestación folclórica que festexa en Galicia o final do inverno. Constrúense figuras con elementos naturais (musgo, fiúncho, flores silvestres, ovos,  laranxas, paus...) e arredor delas cántanse, con acompañamento de paus, coplas e cancións irónicas e críticas con feitos ou personaxes de actualidade.

Velaquí tedes a cantiga recitada e cantada pola familia de Teo e Carla arredor do seu maio para que todos gocemos desta festa.

Tamén os nosos compañeiros, Pablo e David, quixeron compartir connosco o florido e belido Maio que crearon.

E como non, acompañado de cadansúa cantiga...

Parabéns a todos e todas, moitas grazas polas vosas aportacións nestes atípicos MAIOS 2020.