Le, abre as túas ás e viaxa...

"Le, abre as túas ás e viaxa" é o lema co que este ano a UNESCO nos convida a celebrar o Día Mundial do Libro e dos Dereitos de Autor. Dende o colexio, e co apoio das familias, para conmemorar este día, 23 de abril, usamos o poder da lectura para combater o illamento, comunicarnos, entreternos, visitar lugares fantásticos, á vez que estimulamos as nosas mentes e a nosa creatividade con esta actividade.

Amais, os rapaces e rapazas de 3º de Primaria afírmannos que un libro é un tesouro, pero pode selo moito máis se o compartimos cos nosos compañeiros. Así, aportannos para celebrar o Día do Libro este vídeo para sacarnos a todos un sorriso co poema de “Caperucita Roja y el Lobo” de Roald Dahl. Esperamos que vós guste, xa que este non é o típico conto de Carapuchiña..., senón que é un pouquiño máis perverso.

No blog dos Pequerrech@s querémosvos presentar os contos que máis lles gustaron nestes días que teñen tanto tempo para gozar do pracer da lectura compartida en familia.

Preme AQUÍ pra acceder as recomendación lectoras dos máis pequenos do cole

Tamén, vos queremos achegar parte das actividades relacionadas cos Itineraios Lectores que aínda non publicaramos no blog da Biblioteca do Checho. Entre elas, o conto clásico "Los tres cerditos" narrado polo alumnado de 4º Educación Infantil...

As lecturas compartidas e composicións escritas creadas polos nenos e nenas de 1º de Primaria...

O poema gravado e escenificado virtualmente polos compañeiros e compañeiras de 2º de Primaria extraído do libro traballado na aula "Poemar o Mar".

E, como non, o mural exposto no corredor cos traballos realizados polos mozos e mozas de 4º de Primaria tras a lectura do libro "Palabras de Caramelo". 

Esperamos que gocedes deste Día do Libro e convidámosvos a ler, abrir as vosas ás e viaxar...

Por certo, neste mural tedes recollidos todos os títulos lidos e recomendados polos vosos compañeiros e compañeiras.