O NOSO SAMAÍN

O pasado venres celebramos no colexio o Samaín. Disfrazámonos  con arrepiantes vestimentas e gozamos dunha chea de actividades. 
Os nenos e nenas de 4º de Primaria pasámolo fenomenal bailando e debuxando polo Samaín:

En 6º de Primaria, ademais de realizar a nosa particular versión de decoración e cabazas en papel, tamén deseñamos máscaras terroríficas como variación das máscaras que adoitabamos levar outros anos cos nosos disfraces. 

A maiores aproveitando o tema da toponimia que estábamos a ver en Galicia descubrimos o porque dos nomes dalgúns lugares máxicos de Galicia e narramos entre todas o conto "O noso Samaín", un contacontos baseado no libro da escritora Lorettta Birott Bermejo, Editorial Galaxia. Se queredes visualizalo, velaquí volo deixamos:

Nas aulas organizamos aterrecedores obradoiros de escrita,  coma este que levamos a cabo en 2º de Primaria:

En 3º de Primaria realizamos un taller de Plástica:

En Infantil, amais de disfrazarnos, fixemos manualidades do Samaín e, como non podía faltar, un obradoiro de cabazas:

Por mor do coronavirus, non puidemos engalanar o colexio nin facer a tradicional exposición de cabazas, pero si que dende os fogares, as familias compartiron connosco como enfeitizaron con adobíos as súas casas e os obradoiros de cabazas e cociña en familia, amais de disfrazarse. Mirade  que resultado tan "terrorífico"...

                            

Depois desta fabulosa presentación de traballos, obradoiros e actividades no colexio e en familia, soamente queda agradecervos a todos e todas a vosa colaboración na celebración deste Samaín 2020.