Temos unha morea de novas que contarvos. Por unha banda; Cristina, 4º de Primaria, e Clara, 6º de Infantil, son as compañeiras gañadoras do Certame de Postais de Nadal 2020. Realizaron unhas creativas tarxetas coas que felicitaremos as festas.
Parabéns rapazas!!!
Agradecemos a participación e implicación do alumnado e as súas familias nesta actividade. Todas as postais recibidas son fantásticas, mirade os traballos entregados:
Por outra banda, xa temos engalado o colexio con adobíos do Nadal grazas a vosa colaboración. Enviástedes unha chea de fotos cos adornos de Nadal dos vosos fogares e agrademos enormemente que os compartirades connosco. No corredor principal, elaboramos un mural con todas as imaxes achegadas, queres botarlle unha ollada???
Finalmente, aproveitamos para informarvos de que a axudante de Papa Noel visitou o patio de Infantil para observar como traballan todos e todas as rapazas. Os máis pequenos escoitaron atentamente os seus consellos.
Xa temos o Nadal á porta!!!
Ningún comentario:
Publicar un comentario