O 26 de abril, ás 16:30, teremos a sorte de contar con Charo Pita nun novo obradoiro de Lectura e Familias. Leva por título "Abrazar coas palabras" e vai dirixido ás familias con cativada entre os 3 e os 9 anos. Os papás e mamás podedes vir sós/soas ou cos/coas nenos/as.
Aprenderemos con ela pautas lectoras, xogos cos libros que estimulen a creatividade e a cooperación coa fin de axudar a cimentar no día a día unha relación baseada nesa calma coa que sempre nos agasalla a lectura compartida.
Quen é Charo Pita?
Comezou a narrar historias no ano 1994 e viaxou con elas polo mundo: Alemania, Polonia, Italia, Nicaragua, Galicia, España.
Imparte obradoiros de narración e lectura expresiva e leva publicados máis dunha ducia de libros e gañado algún que outro premio literario, entre eles o Espiral Maior de poesía no ano 2001 e o premio Manuel Murguía de narracións breves no pasado 2018.
Unha das súas facetas máis persoais é a de mesturar contos e música.
ANIMÁDEVOS A VIR!!!
Ningún comentario:
Publicar un comentario