A rapazada do noso colexio estivo aprendendo sobre Begoña Caamaño a periodista e escritora feminista que é homenaxeada este 17 de maio coa conmemoración do Día das Letras Galegas.
Os diferentes cursos achegaron diversos recursos (pasapalabras, debuxos, investigacións sobre a autora) que se expuxeron no colexio. Ademais, escoitamos cancións galegas no recreo, despois 6° leunos un manifesto da autora e por último limos libros en galego todos os cursos xuntos no patio!
Os maios chegaron ao noso colexio! Grazas ás achegas da rapazada e as familias contruímos este maio que podedes ver na entrada do colexio. Moitas grazas por participar!
Hoxe tivemos visita para aprender a coidar os nosos ollos, aprendimos moitas cousas e tivemos concurso ao final para comprobar a nosa aprendizaxe. Isto da miopía tiña moita miga. Foi moi divertido!
Da man de Iria Bermúdez (Mans de Ouro - @mansdeouro), este ano contamos con recursos adaptados para atender á diversidade do noso alumnado, empregando diversos formatos:
Hoxe tivemos a sorte de ter teatro en inglés para a rapazada de Educación Infantil e primeiro e segundo de Educación Primaria! Escachamos coa risa, grazas por vir!
.jpeg)
Como sabedes, estamos co nos proxecto "As mans valen ouro" e convidamos ás familias a que compartan as súas experiencias:
.jpeg)
Este venres aprendimos sobre a alimentación e hábitos saudables da man deste equipo de profesionais, grazas por vir!
Na nosa biblioteca temos unha escolma de obras para que a rapazada poida aprender dos múltiples referentes de mulleres que temos na nosa historia!
Neste día de Rosalía, a rapazada do noso colexio participou na súa celebración no Pazo Provincial (da Deputación de Pontevedra), onde proxectamos o vídeo do ano pasado, limos poemas de Rosalía de Castro e cantamos "O Moucho" da man de Migallas Teatro.
Unha marabilla!
O noso alumnado de primeiro ciclo de educación primaria tivo unha visita moi especial! A autora Lucía Mojón, co seu libro "Biscoito de Castañas"!
Tivemos ocasión de entrevistala e descubrir como crea as historias e aventuras que enchen de maxia os seus libros. Xogamos a imaxinar novas personaxes e mesmo cantamos o retrouso dos seus protagonistas!
Unha sorte poder ter estas visitas no noso cole da Carballeira. Grazas por vir!
O alumnado de 4º, 5º e 6º de Primaria, da man do Plan Director, aprendeu sobre:
Así que xa sabedes, queridas alumnas. Se así o queredes, o mundo científico está agardando por vós!
Sorpresa! Grazas á AMPA, no colexio houbo chulas, filloas e orellas e tanto a rapazada de 5º e 6º de Educación Primaria como o alumnado de Infantil contribuíron na súa creación. Que ricas!! E sabendo que as recetas son das súas avoas? AS MANS VALEN OURO!!
A nosa querida Camila, de Texas, é a auxiliar de conversa deste ano no colexio. Temos a gran sorte de tela con nós e que lle ensine á rapazada diversos aspectos da súa cultura e do seu país, integrando ao alumnado nunha experiencia única!
Desde os nosos primeiros pasos na radio ata exposicións na aula, o noso alumnado aproveita cada oportunidade para aprender un chisco máis!
Hoxe, 30 de xaneiro, conmmemoramos no colexio o día da Paz. Nestes tempos que corren é imprescindible educar para a paz e aplicala ao longo da nosa vida.
O alumnado realizou por cursos unha man da paz:
Fixemos un mural "MANS DE PAZ":
Despois desexamos a paz mundial e rematamos cunha canción!
Grazas por participar!
O noso alumnado de educación primaria estivo devanándose os miolos para poder facer un logo da radio escolar. Durante esta semana fomos desvelando pouco a pouco as e os finalistas...
Que tiveron o seu propio premio por chegaren á última rolda!
Moitísimas grazas a todas e todos por participar e lembrade: por moito que a Intelixencia Artificial (IA) nos poida axudar a pulir certas creacións, o máis importante son as vosas ideas e como as facedes realidade porque... AS MANS VALEN OURO!
