O pasado 24 de outubro conmemoramos o Día das Bibliotecas Escolares e tamén puxemos en marcha a aventura das Mochilas Viaxeiras.
Cada mochila está chea de libros e historias preparadas para viaxar ás casas do alumnado, converténdose tamén nunha oportunidade para compartir momentos de lectura en familia.
Agardamos que desfrutedes coma cada ano desta experiencia!!
O pasado 14 de outubro o alumnado de Educación Infantil, xunto coas súas familias, tiveron a sorte de poder desfrutar do contacontos "El lobo Papón" de María Fanjul González contado por Erea Mora.
Foi unha experiencia moi especial na que se compartiron risas, sorpresas e momentos cheos de maxia, que espertan a curiosidade dos nenos/as e o gusto pola lectura.
Grazas familias e alumnado por participar e a Erea por compartir connosco esta actividade!
Este curso o noso centro embárcase nunha aventura moi especial: "Descubrindo Galicia", un proxecto no que percorreremos a nosa comunidade autónoma para coñecela mellor. Dende a nosa historia, festas, tradicións, lendas, personaxes, música... E todo coa axuda Checho e Chiña! Estades preparados/as? Isto comeza xa!!
A nosa escola está de noraboa, xa que obtuvimos varios premios polo noso "Faro da Escola"! Parabéns á rapazada por conseguilo, por moitos máis!
Nesta conmemoración, grazas á axuda das familias, conseguimos reservar un recuncho do noso patio para dedicarllo neste 5 de xuño, día do Medio Ambiente, á feminista africana Wangari Maathari. Foi Premio Nóbel da Paz e o seu obxectivo foi combatir a deforestación e a desertificación co cinturón verde (plantacións de árbores) en África, mentres loitaba contra a pobreza empoderando ás mulleres rurais.
A rapazada plantou flores no noso xardín, levaron regalos conmemorativos e leron poesías en honor a Wangari. Un exemplo a seguir!
Desta quenda, o alumnado e as familias do noso colexio xuntáronse baixo o amparo da música para poder gozar todas xuntas en comunidade. Pasámolo xenial, vémonos na seguinte! Música, mestra!!
A rapazada de 6º de educación primaria estivo desenvolvendo un obradoiro para as súas compañeiras e compañeiros de 1º e 2º de educación primaria. Divertíronse moitísimo!
Durante este curso fixemos moitas achegas ao noso PDI, aí vos van unhas cantas:
A rapazada do noso colexio estivo aprendendo sobre Begoña Caamaño a periodista e escritora feminista que é homenaxeada este 17 de maio coa conmemoración do Día das Letras Galegas.
Os diferentes cursos achegaron diversos recursos (pasapalabras, debuxos, investigacións sobre a autora) que se expuxeron no colexio. Ademais, escoitamos cancións galegas no recreo, despois 6° leunos un manifesto da autora e por último limos libros en galego todos os cursos xuntos no patio!
Os maios chegaron ao noso colexio! Grazas ás achegas da rapazada e as familias contruímos este maio que podedes ver na entrada do colexio. Moitas grazas por participar!
Hoxe tivemos visita para aprender a coidar os nosos ollos, aprendimos moitas cousas e tivemos concurso ao final para comprobar a nosa aprendizaxe. Isto da miopía tiña moita miga. Foi moi divertido!
Da man de Iria Bermúdez (Mans de Ouro - @mansdeouro), este ano contamos con recursos adaptados para atender á diversidade do noso alumnado, empregando diversos formatos:
Hoxe tivemos a sorte de ter teatro en inglés para a rapazada de Educación Infantil e primeiro e segundo de Educación Primaria! Escachamos coa risa, grazas por vir!
.jpeg)
Como sabedes, estamos co nos proxecto "As mans valen ouro" e convidamos ás familias a que compartan as súas experiencias:
.jpeg)
Este venres aprendimos sobre a alimentación e hábitos saudables da man deste equipo de profesionais, grazas por vir!
A rapazada de 1º e 2º de educación primaria estiveron aprendendo a importancia de quererse a unha mesma/o e da autoestima grazas a o conto da bolboreta. Estivo xenial!
