05/05/16

"Da ovella á madeixa"

Os alumnos de 3º e 4º de primaria tiveron este luns unha saída á aldea do Salgueiral, na parroquia de Bora.
Participaron nunha experiencia moi interesante dentro do programa  "Ecola: da ovella á madeixa", que promove ANIAS, Aula do Almofrei e o Concello de Pontevedra.


Os alumnos fixeron un traballo de campo no que se lles ensinaba de onde viña a la e os distintos procesos que había que seguir ata chegar á madeixa, para poder facer as prendas de vestir, alfombras...


Ademais dos monitores, colaboraban distintas familias da aldea explicando cada un dos traballos: o esquilado (ou rapa), o limpiado, o lavado, o fiado, o torcido, o cardado... e o tear.


Os nenos percorreron camiños e carreiros da aldea, vendo as ovellas e as cortes dos animais, e todos traballaron in situ nas distintas actividades.


A experiencia de achegamento ao noso campo e aos animais foi moi fructífera, e desexamos volver a repetir.

Podedes ver máis fotos aquí.

Ningún comentario:

Publicar un comentario