Ola a todas/os!
Na biblioteca de Checho están pasando cousas moi raras:
Desaparecen libros dos andeis, hai caixas de cartón polo medio, carteis que poñen "libros que se quedan", cada día aparece máis desordenada,...
Poderemos abrir o día 24, Día das bibliotecas?
Será que se achega o Samaín? Será que Checho ou Chiña andan a enredar?
Non o sabemos, pero semella ser a escena dun crime!!!!
E se fora así, seriamos capaces de resolver crimes?
Ven descubrilo acompañado dun adulto!!!
O próximo 24/10/22, a partires das 16:30, converterémonos en detectives!!! coa axuda do equipo de Ceo Aberto e David Ballesteros.
Que non sabedes quen é David?
Como sería moi longo de explicar, mellor que o vexades. David é, entre outras cousas divulgador científico e como tal, participa nos programas da TVG (preme para velos):
Que faremos?
Os participantes atoparán a escena dun crime
xa acordoada pola policía científica. Nela atópanse todo tipo de
elementos, desde restos dun zume a rastros de sangue (artificial) ou
impresións dixitais.
Levaremos a cabo, entre outras, as seguintes actividades:
- Extracción de pegadas dixitais.
- Elaboración de retratos robot e análise biomecánicos.
- Realización de cromatografías de tintas.
- Determinación experimental do pH
- Análise de rastros de sangue.
- Experiencias de quimioluminiscencia.
APUNTÁDEVOS CHAMANDO AO COLE!!!
SO TEMOS PRAZA PARA 25 DETECTIVES !!!
Ningún comentario:
Publicar un comentario