"Hora de ler" Itinerarios Lectores

Rematamos o mes de maio presentándovos os diferentes Itinerarios lectores que tratamos nas aulas.

Comezamos contándovos que, empregando a sesión da "Hora de ler", os nenos de 2º de Primaria traballamos o libro "Mariña e o balón". 

Despois da lectura, ilustramos a parte que máis nos gustou...

Os rapaces e rapazas de 3º centrámonos na lectura da obra "La momia despistada".

O alumnado de 4º de Primaria entretivémonos co título "A formiga destemida".

Os compañeiros e compañeiras de 5º de Primaria pasamos un bo intre lendo o exemplar "A lagoa das nenas mudas" e, logo, redactamos unha descrición dos personaxes principais.

Tamén lemos "ABDEL", de Enrique Páez, e completamos  un cuestionario. Apoiámonos no ordenador para aquelas preguntas relacionadas co autor ou coa localización da temática do libro.

As alumnas de 6º de Primaria rematamos a lectura de "Cando soa a buguina", descubrindo o porqué do seu título, como se superan certos feitos cando eres pequeno e como sempre volven os recordos nos momentos que máis os precisamos.

Por último, comentarvos que en 5º de Infantil divertímonos moitísimo coa lectura de "A que sabe a lúa?". 

Ao longo deste curso, publicamos os diferentes Itinerarios Lectores traballados nas aulas durante a sesión da "Hora de ler". Polo momento, cada curso rematou os títulos que tiñamos planificados para estes trimestres. 
Agora, comezamos a argallar novos títulos para o vindeiro mes de setembro!!!